Schwäbisch fir reigschmegde

[HarryS]

sooo, endlich hann ih des C-Glomb loos
Grad äba schnälldäschd gmachd, jetzad raifle no gschwend zo de Dschonnies zom freidäschda…

Subbor no ka des Läba wieder normal weidorganga

 

[MTL]

@MTL : ????????

i hett saga wella, daß der ronde Camerad sich bei mir wohlfiahlt, des hett i jô aigentlich ins Reich von de Halluzinazjona verwiesa. Aber nô war er doch bletzlich dô ... (ond isch inzwischa wiadr fort)

 

[HarryS]

heit Middag no an schena Flug vom Jaufen gmacht bevors Morga wiedor heum goht. Am Daischdich gohts no mit meira GS een Trentino zum Kilomedor fressa.

Waffl hen ihr da Passo Bondone aufm Schirm odor wellad ihr den net fahra?

 

[Mulle]

I glaub du bisch mir ufm Jaufa verkomma, do bin i so um oise drüber, da war heit dr teifl los.

 

[HarryS]

Mulle des ka guat sei. Om de Oise rom ben i da Jaufa nauf. Motorräder ohne Ende. Abor dafür wars en der Luft sche. I war als eunzigor mit am Schirm ondorwegs. Ond am Hirzer driba war a gedränge.

 

[Mulle]

I han gar et aghalta, vorne nuff und henda nonder

 

[waffel]

heit no gschwend a Albronde drähd ond en Ondrlennenga em Sulzburghof a glizeglois Väschbr aigworfa
Send grad no so kurz vor Dohrschluß ahkomma gwäa…

 

[HarryS]

viel gloinor sod der Läborkäs abor net sei. Sonsch isch des Weggle zdrogga.

 

[waffel]

…deswäga jo au dr Hopfadeeh
Eigendlich hanne gsait „Dr Läbrkääs dohmadigg, bidde!“ - blehd, dass des Mädle ihran Dohma zom Peila hergnomma hot
…ond vr‘schdanda miast se me hau, weil vo dr Ausschbroch kommd dui vo därra Gegnd…

 

[HarryS]

i hed dem Mädel mein Doma ondor Nas ghoba ond hed gsaid ed denor wia mei Doma.

So machs i emmor bei meim Metzgor.

Isch aber et soo schlemm wenn der Läborkäs a weng dennor isch.

 

[HarryS]

so i ben jetzt en Rumo akomma.

En Nesslwang war dui Schdros bätschnass. Do hots gschidadt wit dsau.
I ben abor drogga bliba da Räga war vorbei. Hantenjoch ond Timmlsjoch war au nass.
Erscht als i henda na ben nach St. Leonhard war d Schdros wieder droga.

Middla em Ultental ben i no lenks abboga. War an gleuner Pass. Des war a schees kurvigs Schdrässle.
koi Vorkehr. I hans schee fatza lau kenna.

Dusche han i au glei on jetzt ben i am 2. Woiza.

 

[GSGuenter]

Waffl hen ihr da Passo Bondone aufm Schirm odor wellad ihr den net fahra?

I komm grad vom Trentino zrug. Bondone isch subbr. Do kaschs richtig fliega lau.
Abr sbeschde war fir mi dia SP73 von Foza noch Valstagna. Om de zwanzg Tornante. Obergeil!

 

[MTL]

Om de zwanzg Tornante.

Dô hanne doch glatt Tomate glesa (ond me gfrôgt, was dees in deam Zammahang sai sott).

 

[GSGuenter]

hosch hongr ghet beim leasa?

 

[MTL]

hosch hongr ghet beim leasa?

Ä bissle Honger hanne grad dadsächlich. Aber i woiß net rächt, ob e jetzt no äbbes ässa soll oder doch ejer glei ins Bett gang.

 

[GSGuenter]

Om dia Zeit besser nix meh ässa. Des haut nei wia d‘Sau. I hau vom Urlaub eh zwoi Kilo meh mit hoim brochd.

Guad Nachd ond Xond

 

[MTL]

hosch hongr ghet beim leasa?

De Hochdeitsche gôht's au net besser.

 

[MTL]

Om dia Zeit besser nix meh ässa. Des haut nei wia d‘Sau. I hau vom Urlaub eh zwoi Kilo meh mit hoim brochd.

I au. Aber drvor in dr Houm-Offis-Zeit (wo mer nemme so oifach in d Biro-Kantine komma isch) hanne nain Kilo abgnomma.

 

[GSGuenter]

nain Kilo abgnomma

Reschbegt!

 

[MTL]

Reschbegt!

Dangge! Jetzt bassed mer moine alde Läderkombis uff oimol wiadr.