Schwäbisch fir reigschmegde

[HarryS]

sodadle heit han i da Monte Bondone ondord Reufa gnomma.
Des isch a saugeiler Pass. Ond der hot jetzt a baar Gommischdreufa mehr.
Der wo do em Trentino isch ond den Pass net mit sein Moped macht isch sälbor Schuld.

Schon dui Afahrt war der Hammor. oi Kurf noch da Bandara und wenig verkehr.

 

[GSGuenter]

Waret am Bondone no dia Roifastapel ond Strohballa en de Kurva? Wo I gfrara ben, hend se grad für a Radrenna des Zuig aufbaut. Ma isch sich vorkomma, wia auf dr Rennstegge.

 

[GSGuenter]

Der wo do em Trentino isch

…muss obedengt diea SP73 von Foza noch Valstagna fahra. Isch genial.

 

[Jantje]

Bin ne reingscheggte,
Ihr macht mir echt Spaß,

mit ein wenig Fantasie kann ich folgen, weider so

 

[GSGuenter]

mit ein wenig Fantasie kann ich folgen

Wenn‘d was it vrschdosch, no frogsch oifach.

 

[Rotax562]

Bin ne reingscheggte,
Ihr macht mir echt Spaß,

mit ein wenig Fantasie kann ich folgen, weider so

doah mosch no a weng andr schaffa, des hoist reigschmegt und it "reingscheggte", abr wenns dr gfallt isch räat. Bessr lacha wia blära.

 

[HarryS]

Waret am Bondone no dia Roifastapel ond Strohballa en de Kurva? Wo I gfrara ben, hend se grad für a Radrenna des Zuig aufbaut. Ma isch sich vorkomma, wia auf dr Rennstegge.

Ja do isch ällas no do. Roifa ohne Ende an jedra Kurv.

Abor wia komisch Du auf a Radrenna. Fir dia Radlor henn se doch no nia Roifaschdabl aufbaut. Do war am 2.Juli des Bergrenna. Deswega isch bei os au so viel Gummy uf dr Schdros gwä.

Ond bei dem do kasch au mitfahra.

 

[GSGuenter]

wia komisch Du auf a Radrenna

Ah, falsch denkd. Wahrscheinlich, weil so viel Radler onderwegs waret

 

[MTL]

Dôhanne em Fsret senn doch an Haufa von Esslenga ond dromrom. Dort isch jô onder andräm dr Emmka-Saigl-Schobb. Der hot firs Wochaend ä Kaballjero-Akzjo aakindicht. Ischt äbber von eich dort?

 

[MTL]

... Esslenga ... Emmka-Saigl-Schobb

abropoh: i moin, dia hettat doch au ämol Jamaha kett. Em Moment henze des aber nemme. Hot äbber äbbes mitkriagt seit wann ond warom oder wär do wen nausbeigt hot?

 

[waffel]

…zom MK Shop schiab ieh mein 50er Rollr, wenn der Idalienr‘ nemme duad
Grad benn‘e mit meir‘a Frau ond nomml drei en Schdrenga am Arlberg, morga gohts weidr iabr Oberinntal, Ofenpass, Umbrailpass, Stilfserjoch, Mortirolopass, Tonalepass ens Ultental…

En zwoi Wocha ganga mr des brudahle Brojegd Reddichbahr oh, isch des glahr?

 

[HarryS]

En zwoi Wocha ganga mr des brudahle Brojegd Reddichbahr oh, isch des glahr?

boah ehh!!!

Jetzt wois i wieder nehme wie des gmeundt isch.

Isch des jetzt a Frog odor a Aussag odor a Fescdschdellong?

Em Moment ischs glar. Wia des en zwei Woche isch wois i jetzt no net. Schee wärs auf älle fäll wenn mor amol en dera Reddichbahr zammahogga kennat.

 

[waffel]

…des isch gwasie en ‘Pfähl, weil Pfähl isch Pfähl ond Pfähl wird pfolgt

uffam wähg ens Uhldadahl:

 

[Erg-Chebbi]

grigat mir des eigentlich amaal naa, dass oos en dr Reddichbar dreffat?
Älle werdat ja sowieso et dabei sei kenna. Mir soddat ons halt öfter dreffa.
Da keet mr ja au en feschda Termin mach. Jeden erschda Middwoch em Monat odr so.

 

[HarryS]

grigat mir des eigentlich amaal naa, dass oos en dr Reddichbar dreffat?
Älle werdat ja sowieso et dabei sei kenna. Mir soddat ons halt öfter dreffa.
Da keet mr ja au en feschda Termin mach. Jeden erschda Middwoch em Monat odr so.

Recht hosch!

Da ersuchte isch vorbei. Nägschd Woch am 13. isch dr 2. Mittwoch.
Ka do äbor?

Ja i!!!!!

Sonschd no eunor von de Schwoba?

 

[gshogi]

Nägsch Woch ben i bei de Franzmänner!

 

[waffel]

…ond ieh beh no gebaiga em ond oms Uldadahl

 

[HarryS]

Also guat no frog i mol andorschd rom.
Chebbi (ond alle andere Midläsor) hosch Zeit am nägschda Mittwoch. No kennat mir ja a betreites Drenga en dera Redichbar macha.

 

[Mulle]

Also guat no frog i mol andorschd rom.
Chebbi (ond alle andere Midläsor) hosch Zeit am nägschda Mittwoch. No kennat mir ja a betreites Drenga en dera Redichbar macha.

Negsch Woch ka i a weng schbäder drzua komma

 

[Erg-Chebbi]

I hau Zeit