Schwäbisch fir reigschmegde

[MTL]

Esslenga ... Kaballjero-Akzjo

Sodele:

 

[HarryS]

des passt doch firs erschde.

Mulle
Chebbi
ond i

Wie ischs mit sechs - halb siebane?

 

[HarryS]

Sodele:
Anhang anzeigen 506600

mtl hasch jetzt a Dreirad kauft?

 

[MTL]

mtl hasch jetzt a Dreirad kauft?

noi, net jetzt. Des hanne scho seit me halbe Jôhr.
Also aig'ntlich scho seit me Dreifirdljôhr.

 

[Erg-Chebbi]

Sechse basst am Mittwoch.

 

[gshogi]

Do be i a mol ned do ond scho klabbt des bei eich
Viel Schbaaß ond au a Foddo mache, gell!?

 

[HarryS]

Sechse basst am Mittwoch.

Klasse!

Ond wenn da Mulle au no komma ka no kennat mir ja an Skat odor Gaigl klopfa.

Gibts sonscht no äbor der dazua komma will?

Mir beisaßt net.

 

[waffel]

…grad ohkomma uffm Wäg zom Gardaseeh, ond vo dord noh wiedr lengs nuff zur Brenta ond weidr groba Richdong Uldadahl

 

[HarryS]

Anhang anzeigen 506717
…grad ohkomma uffm Wäg zom Grdaseeh, ond vo dord noh wiedr lengs nuff zur Brenta ond weidr groba Richdong Uldadahl

Waffl bisch von Trient aus nufgfahra odor von Sarche

 

[waffel]

…vo mir aus dahanda em uldadahl
Vo Trient semmr nuff…

Do hosch no dia Schbura vom ledschda Renna uffm Asfald gsäa.
Ällamohl scho ganz scheh päb an dr Laidblangga endlang - I glaub, uff därra Linie hed ieh mir d‘ Hos vr‘schi…

 

[waffel]

ond des isch a pässle do hersch nemme uff zom grensa - mir femf warad älle dermaasa begaischdrad. Liabr da Bodone 5 mohl rom ond nom, wia oiml‘ da Schdilfsr…

Dui Woch ganga mr‘ nomml gewandra uff d‘ Illmschbiz ond no a scheena Tour mim Jaufa, Mendlpass nuff uff‘s Penegal…

Eich en scheena KickOff-Schdammdisch!
Lend au a baar Bildr do hanna liega, gell?

 

[HarryS]

ond des isch a pässle do hersch nemme uff zom grensa - mir femf warad älle dermaasa begaischdrad. Liabr da Bodone 5 mohl rom ond nom, wia oiml‘ da Schdilfsr…

I ben des Pässle zwoimol gfara.
Ond eunor aus mein Hotel hot den Pass 3 mol gmacht.
Von henda nuff isch der sicher au subbor zum Fahr. Do senn die Kurve a weng langzogenor. Die kasch mit mehr Schbeed nemma.

@ GSGünther, danke nomol fir den Bondone Tip

 

[GSGuenter]

@ GSGünther, danke nomol fir den Bondone Tip

Emmer gära

Bisch no dia SP73 von Foza noch Valstagna gfahra odr wellen Tip moisch?

 

[waffel]

Die kasch mit mehr Schbeed

…des mit dem Schbiied hot bei mir au nochglau, vorällem, weil hald älls meeh so kabudde Kurvafräsr ondrwägs send…
Heid au wiedr zwoi so Gasgrangge uff ohsra Schbur (also iabr d‘ Middllinie driabrd naus) ondrwägs gwäa, do kechd ieh grad schdroffällich werda ond denne da Zenga uf halbachde drugga - abr haubdsach Gnui- ond Ellabogablächla droh…

 

[waffel]

Gaigl klopfa.

…ja lägg me noh - des hann ieh als Kendrschialesbua mit maim Obaah ond maira Omaah gschbiald - ieh wissd grad eddamohl meh räachd, wia des gschbiald wird.
Ieh moi, doh muass mr au Raiza ond Mälda…!?

 

[HarryS]

…des mit dem Schbiied hot bei mir au nochglau, vorällem, weil hald älls meeh so kabudde Kurvafräsr ondrwägs send…
Heid au wiedr zwoi so Gasgrangge uff ohsra Schbur (also iabr d‘ Middllinie driabrd naus) ondrwägs gwäa, do kechd ieh grad schdroffällich werda ond denne da Zenga uf halbachde drugga - abr haubdsach Gnui- ond Ellabogablächla droh…

So eunor isch mir vorkomma wo i da Foscagno Pass na gfahra ben. Der war et zschnell, der hot hald sai Advendschor net em Griff ket. Vor da Rechtskurv ausghold wia dSau ond trotzdem auf mei Seida komma. No hot der Bach au no Angschd griagt ond voll bremst. Dui GS isch samt dem Kerle omkhagld ond beude senn uf dr Schdross gläga.

Zu dritt hemor den Bock no wieder aufgeschdellt. Des kommt dafo. Digge Moped fahra ond wenns eng wird da Bock omschmeisa.

 

[GSGuenter]

Sodde Grasdaggl siehsch emmer wieder. Mir isch em Trentino oinr mitara Harley auf meiner Schbur entgega komma. Sodde soddet besser dahoim bleiba ond it ens Gebirge fahra.

 

[HarryS]

Sodde Grasdaggl siehsch emmer wieder. Mir isch em Trentino oinr mitara Harley auf meiner Schbur entgega komma. Sodde soddet besser dahoim bleiba ond it ens Gebirge fahra.

ond dui Harley gega a Mofa eidauscha.

 

[Erg-Chebbi]

Leit, i frei me auf morga Obend en dr Reddichbar. I be ab sechse daa.

 

[HarryS]

Leit, i frei me auf morga Obend en dr Reddichbar. I be ab sechse daa.

i au