Schwäbisch fir reigschmegde

[Reincarnator]

i fahr au blos wenns net soicht wie dSau. A schena Tour en Schwarzwald hald

Onn worom hoißd dr Schwarzwald "Schwarzwald"?

Weil de drenn romdabba kôsch bis de schwarz wirsch.

 

[gshogi]

i fahr au blos wenns net soicht wie dSau. A schena Tour en Schwarzwald hald

Ledschda Samschdich hots au grägnet.
I benn oifach noch Thüringa gfahre.
Onderwägs bei de de Frange dKathi Bräu bsucht.
Meischdens emm Sonnaschei.
Manchmal muss ma des Ländle volasse.

 

[GSGuenter]

So ischs halt em Schwarzwald, wenn en Furz knallt, no schdenkts hald.

 

[on2wheels]

Abr soviel anderschd isch des jedzd au ed.

Boi ons hoist des ned, ned ed.

Btw, ich find´ immer klasse:

Jedzd du hald a mol gschwend langsam

Ciao
Alex

 

[waffel]

[

Jedzd du hald a mol gschwend langsam

...grad anderschrom wia ieh weidr vorne schau gschriaba hau:
jetzad mach mol langsam nohre

 

[waffel]

so, heid a mohl dia ginschdich eikaufde wareable* Seidakoffr nohgmachd ond a schnälla Ronde drähd - se hebad ond schäbbra duad au nix, no benne grad zfrieda wiedr hoim zom väschbra.

* grad a sauglads word - mr khechd moina, des sei schwäbisch-briddisch

 

[Rotax562]

Boi ons hoist des ned, ned ed.

bei eis isch des it, it ned

 

[on2wheels]

bei eis isch des it, it ned

So ebbes, bei eich isch also ned ned ned ond au ned ed.

Des ko fei ned sei, en rächtr Schwoab sagd älleweil ned, ned ed ond au ned it.

Das des amol klar isch, gell

Ciao
Alex

 

[Rotax562]

Bei de Schwaba geits Oberländer und Unterländer, bei de Unterländer isch dees ned bei de Oberländer isch dees it.
So ischs halt. Ih find "objektiv" it besser ....

 

[lederkombi]

Also Alemanisch gefällt mir besser.

 

[GS Q]

Bei de Schwaba geits Oberländer und Unterländer, bei de Unterländer isch dees ned bei de Oberländer isch dees it.
So ischs halt. Ih find "objektiv" it besser ....

Des Unterland isch ja scho fascht em Norddeutsche

 

[Rotax562]

Des Unterland isch ja scho fascht em Norddeutsche

so ischs

Hauptsach s'gfallt oim da wo meh isch, denn hot meh alls räd gmacht.

 

[waffel]

Des ko fei ned sei, en rächtr Schwoab sagd älleweil ned, ned ed ond au ned it.

Ond bei sälle Obrlendr said da oi odr Andr statt „it“ z‘mol “itta“ - odr schreibd mr do „it’da“?

 

[HP9000]

Boi ons hoist des ned, ned ed.

Btw, ich find´ immer klasse:

Jedzd du hald a mol gschwend langsam

Ciao
Alex

Wenn andere Südländer ohne richtigen Dialekt meinen, Schwäbisch reden zu müssen ..

 

[Erg-Chebbi]

Was a De...
A tybischer Boir mit Menderwrtigkeitskompex. Der moint halt mit seim Gschwätz wär er luschdig. I hau se gfressa, solche Tybba.

 

[waffel]

…naja, sai Publikum hott en schena Obnd khed, hen lacha derfa - mir hend beschdemd au oin em Lendle, der dia Boira uff da Hebl nemmd. Ob des abr luschdig isch?
Mai Frau hot boirischs Bluat ond dia schiddlad au mim Kopf bei soma baisa Lombagruaschd.
Sˋ gait hald iabrˋall räachde Seggl - deswäga mach ih mir jetzad a Biehr uff ond dua meine Haxa nuff, gnuag romgschaffad :-)

 

[Reincarnator]

Be jedzh au koin Freind vom Aschdor, aber gega dees, was ons Schwoba der Waldabuacher Halbdaggl einbrockt hôt isch dees harmlos.

 

[waffel]

was hot der eibroggd?
Muas mr d' raude Schduza ohziga?

 

[Reincarnator]

Du woisch, wen i moin?

 

[Reincarnator]

Dees wissad nemlich viele ned, dass der Bachl em Odawald, der ons endernational zom Affa macht, aus Waldabuach kommt ond ned Seitabachr, sondern Willi Pfannaschwarz hoißd on sei Müsli nach dem Bach gnannt hot, wo em Vadr sei Mühle schdoht. On des isch hier:

Der brengt mid saira Werbung sogar da gmüatlichschde Boira zor Weißgluat.

Woisch Karle...