Schwäbisch fir reigschmegde

[Mulle]

Hend ihr nixx zum Schaffe?
Halb fenfe.
Viel Schbaß eich, i han om 19 Uhr eh Training

Wer schneller schafft hot länger Pause

 

[HarryS]

bei mir isch s Nescht morgens om femfe nehme warm. I fang am sexse a zum schaffe.

Ond i han Homoffis

 

[waffel]

…wenn’s schaffa ett wär, ond fuirwehr hann ieh au noh…

 

[HarryS]

…wenn’s schaffa ett wär, ond fuirwehr hann ieh au noh…

des macht nix. Mir kennat au mol am a Sontdich Morga a Ronde dreha

 

[Reincarnator]

Ond om die ganze Auswärtige no zom verwirra wärs schee, wenn oosre Oberschwoba sich mal meld dädad.
Mid dene hen au scho die Schdurgader a Schbrachbroblem.

Des keed zom Probleem wärra, weil dia den Dialeggd om Schduagerd rom odr vo dr Albra ned verschdandet. Drzua muass mr saga, dass dia Obrschwoba em Grond fiar Raig'schmeckte besssr zom Verschdanda senn, als dia vo dr Alb ra.
Wenn i a Schdigg noch Weschda fahr' schwätzed se scho badisch.

Drwäga hann i amol an Ausfluag zo de Saadgräa g'macht nochdem mr a baarmol em Hirsch en Hiddareide wared. Dô hemmr 's "Schwaaz-Vere" Zemmr ghedd. Dees hot me nâ schon endressiert:

Den Diddl vo "Gsälzbär" hanne glaud, bisher hod koinr bruddlt. Dr Scheufler muass mr em Kondexd mid Schwoißfuaß on Grachmusikoff säa. Isch a schbezielle Kuldur. Dia henn oft em "Sitting Bull" en Pfäffenga gschbielt. Dô wared mir Schdammgäschd.

 

[GSGuenter]

rwäga hann i amol an Ausfluag zo de Saadgräa g'macht nochdem mr a baarmol em Hirsch en Hiddareide wared. Dô hemmr 's "Schwaaz-Vere" Zemmr ghedd. Dees hot me nâ schon endressiert:

Ha schee!!! Da schwaaz Vere kenn I guat als gebürdiger Biberacher.

 

[waffel]

Ha schee!!! Da schwaaz Vere kenn I guat als gebürdiger Biberacher.

aue, no bisch'd aber scho en aldr Siach, en aldr, wenn de dr Schwarza Vere kennsch
I kenn blos dui Gschichd vo sällam Raibr ond saine Kumpana näbschd Weibrleid...

 

[Reincarnator]

I glaub en Biberach kennd den jedes Kendle. I hau vo deem nix gwissd, bis mr môl an Ausflug middem Mopped gmachd henn und em Hirschhof en Hiddareide (bei Hoßkirch) ibernachded henn. Dô hann i des „Themenzimmer Schwarzer Vere“ buacht. Ond ned gwissd, was oder wer dees isch.

Aber wennes môl verschmeggd hann, nô werd i neugierig. Also hann i älles gläsa, was i über da Vere gfonda hann. Onn mi uffd GS gsetzd, om dees zom iaberpriafa. S‘war nô ned oifach, rauszomfenda, wo die Stele isch. Abr i haus nôbrôcht.

In Biberach war e vo 1977 bis 79, bei dr Bebbo. War ehrlich gsaid koi scheene Zeid. Bis uffs Schitzafeschd.

(Ond dia gloi Schwarzhorig aus Schussariad. Mit Naggdbada em Schwaigfurter Weiher. Dômols hann i a XS faifhondert ghett.)

 

[waffel]

Mit Naggdbada em Schwaigfurter Weiher.

Näggich baada ganga, also woisch - duad mr dees au?

 

[HarryS]

Näggich baada ganga, also woisch - duad mr dees au?

wenn se schee isch warum net. Bei ra greislicha dät i au et nagugga

 

[Reincarnator]

Isch halt faifavierzg Joar her.

Aber a Wiaschde war des ned. Des isch sicher. Ond des Bada hôt sich halt ôschließend so ergebba...
Vorher wärs koi guade Idee gwä. Der Weiher war saukald.

 

[waffel]

...wia war dees mit dem gloina Schnäb....

 

[Reincarnator]

Uff dees laufts naus.

 

[Erg-Chebbi]

No se da zwoi Mädla aus dem Weiher rauskomma?

 

[HarryS]

Wenn des Wasser z kalt isch no geht halt nix. Kasch aber au brobiera an Bleischdift nazbenda

 

[Reincarnator]

So isch dees. Wemmr dees heit nô au nô uffs kalde Wasser schiaba kennd...

 

[GSGuenter]

aue, no bisch'd aber scho en aldr Siach, en aldr, wenn de dr Schwarza Vere kennsch
I kenn blos dui Gschichd vo sällam Raibr ond saine Kumpana näbschd Weibrleid...

Woisch, beim Biberacher Schützafeschd kommt dia Gschichd jedes Johr wiedr auf. Speziell beim Lagrleaba ond beim Omzug

 

[SwabianBiker]

Dr Schräd gild abr au für Rausgschmeggte, oder ed?

 

[SwabianBiker]

 

[HarryS]

So isch dees. Wemmr dees heit nô au nô uffs kalde Wasser schiaba kennd...

Des kalde Wasser juckt heid keun me. Wenns eh nehme recht goht nemadse die gleune Blaue..............

Bei Nochbor hot amor gsaid do schiabsch zwoi Nomara uf eura Ladda.
Bei dem glaub i eher a Läddle