Schwäbisch fir reigschmegde

[Leontius]

Brätzga hanne au scho g'heerd.

Genau so ond ed andersch wird des gschwätzt, onder Umständ no ohne des "a" am Ende. So an alder Hupfer bin I frei au no ed.
Griassle.

 

[DKwRudl]

Du saisch ed , bisch Du von Dr Alp ? Zwischa Lorch und Geppenga sagaze au ed.

 

[Leontius]

Du saisch ed , bisch Du von Dr Alp ? Zwischa Lorch und Geppenga sagaze au ed.

A bissle weider nonder no, a gloines Kaff zwischa Ulm ond Geislenga. Bin aber seid mehr als 30 Johr scho im Exil. Ma wondert sich was no ällas god Muddersprachlich gseha.

 

[Rotax562]

Bei eis goasch zum Beck und da seisch wa de wit, oi Bretzg oder zwoi Bretzga.

 

[gshogi]

S'wird jo en jedm Näschd äbbes abgwandlt gschwätscht.
I bevorzug des Studdgarder Hochschwäbisch.
Dia Baura en Sielmeng schwätzed andersch als dia Narra von Neihausa. Grad mol 2 km send dia auseinandr.

 

[Leontius]

Mei Schwoger aus der Alb ra war mol bei mir auf Bsuach, do han i no in Berlin-Steglitz gwohnt. Der isch dann morgends Wegga hola ganga. I kond en ed drvo abhalda.....Genauso hod er dann au zu der Berliner Bäckereifachverkäuferin gsagt was er will, "I hätt gera 10 Wegga bidde" Was glaubader was no passiert isch?

 

[DKwRudl]

Dui hat geiles bled glozd‍.

 

[Mark_the_Shark]

Ond no had'r au no a Gugga wella odr?

 

[Leontius]

Mei Schwoger aus der Alb ra war mol bei mir auf Bsuach, do han i no in Berlin-Steglitz gwohnt. Der isch dann morgends Wegga hola ganga. I kond en ed drvo abhalda.....Genauso hod er dann au zu der Berliner Bäckereifachverkäuferin gsagt was er will, "I hätt gera 10 Wegga bidde" Was glaubader was no passiert isch?

Als'r wiedrkomma isch mit ra Gugg voller Wegga hod er gschempft wie a Rohrspatz. "Dui bleda Huddl, dui bleda, hod zo mr gsaid warum I se denn en ra deitscha Bäckerei auf Polnisch aschwätz wenn I was kaufa will. Weil I aber Honger ket hau, han i'd Gosch ghalda, dui bleda Kua häd mi ja eh ed verstanda."
Dr Schwoger hat dann mit de Fenger drauf zoigt was er will ond isch dann au no zua seine Wegga komma. Brezga hand se eh koine ket, war au besser so. Da dag drauf bin I dann zum Becka ganga....

 

[DKwRudl]

Narr so ka drs gau.