Schwäbisch fir reigschmegde

[HarryS]

Schee wars heit Obad em Schlachthof en Nierdenga.

I ben sicher, des war net des letschte mol.

Es warad eifach subbor Leit do.

 

[manfred180161]

I sag bloß
KUDDLALAAAAARRRRRMMMMM!!!

 

[HarryS]

a bissle mehr em Dellor wär au net schlecht gwä. Des warad Frauenportiona.

 

[gshogi]

Zom Glick hend mir mindeschdens zwoi Freind hier, dia Dohoim a gscheite Kuddlsupp nabrengad. Gell Harry ond Martin!?

 

[ZTino]

I komm wenns saure Kardofflrädla oder an Gaisburger Marsch gibt, mit Hondsfuadr brengad ihr mi ned noch Nürdinga

 

[Erg-Chebbi]

Naa gugad mir beim nägschda mal nach ra bassenda Wirtschaft.
Wobei Kuddla scho subber send.

 

[waffel]

Ond Buaba, hott eich der brudaahle Kaisrschmarra geschdrn obnd au so guad gschmeggd?
I han me grad no beherrscha kenna, ett no en dridda zom bschdella
Uff älle Fäll wars an schehnr obnd mit eich Seggl

 

[HarryS]

I komm wenns saure Kardofflrädla oder an Gaisburger Marsch gibt, mit Hondsfuadr brengad ihr mi ned noch Nürdinga

Jetzt komm.........

schdell de net ah. En derra Boiz hedsch au an Wurschdsalat griaga kenna.

Beim nägschda mol bisch dabei. I nemm de beim Wort.

 

[HarryS]

Zom Glick hend mir mindeschdens zwoi Freind hier, dia Dohoim a gscheite Kuddlsupp nabrengad. Gell Harry ond Martin!?

do hosch aber genau uffbast!

 

[gshogi]

do hosch aber genau uffbast!

Ha, hear a mol. Ond boide nehmad a Mählschwitze als Basis

 

[Erg-Chebbi]

A Eibrenne. Des isch ebbas bsonders guats

 

[GS Q]

I grätsch nomole nei...wer wollt denn die kloine LEDs für die 11er hoba?

 

[HarryS]

A Eibrenne. Des isch ebbas bsonders guats

Ja so isch es. Ond des hot geschdoren bei dene Kuddla gfehlt. Des war a Kuddlsipple.

 

[gshogi]

I grätsch nomole nei...wer wollt denn die kloine LEDs für die 11er hoba?

Wenn 11er, dann wirds dr Martin @Erg-Chebbi sei

 

[Erg-Chebbi]

I grätsch nomole nei...wer wollt denn die kloine LEDs für die 11er hoba?

Ì war des.

 

[MTL]

Ì war des.

Bisch des gsii, oder bisch des gwäa?

 

[Rotax562]

Bisch des gsii, oder bisch des gwäa?

bisch dees gsai oder bisch dees gwäa, goat alls. Gsii geits dees?

 

[gshogi]

bisch dees gsai oder bisch dees gwäa, goat alls. Gsii geits dees?

Bei onsre Freind siedlich des Allemannischen Reiches.
Do ogfähr wo dia Rätoromane send.
En derra Eck.
Hoschd Züri gsii?

 

[Erg-Chebbi]

Bisch des gsii, oder bisch des gwäa?

I ben des gwäa. Gsii verschdand i aber au. I ben praktisch multilingual.

 

[ZTino]

I ben des gwäa. Gsii verschdand i aber au. I ben praktisch multilingual.

So gsäha a multilinagalischs Käpsele