Schwäbisch fir reigschmegde

[waffel]

Ha da hascht sch reacht. Aber i keet schwäbisch schreiba ond mei Peehzeh däd audomatisch ibersetza.
Also i hau dei richdig guada Idee a bissle weider gschbonna.
D Amrikaner sagad d Brainschdorming dazua

du, doh zaigd sich hald wiadr, dass mir schwoba hald schbrichwerdlich badende kerle send.
dr oi fengd mit äbbes oh zom denga ond dr andr hirnd graad weidr ond s' kommd ällaweil äbbes räachds raus. ward noh, denne en dem sillikn wälli zaigad mir scho no, wo dr bardl da diggidahle moschd hold

 

[Erg-Chebbi]

Dr diggidahle Moschd...
Kerle du brengsch me auf a Idee. Wann e wieder drhoim bee, na hol e en analoga Moschd ausm Keller

 

[Erg-Chebbi]

Ond außerdem, des wa die em Sillikn Wally kennad, des kennad die en Ondrdürkhoim ond en Zuffahausa scho lang. Des mu au mal gsaggd sei

 

[der_brauni]

So von schwob zu frangge:
Du hoisch doch Domas oder Ddomas oder Ddommas

wenn dann Doomas
und dei Voornoma iss?

Gruß Thomas

 

[waffel]

mih ruafad se Rainer, also schwäbisch Rainr
abr Waffl isch oifachr, sagad se

 

[Erg-Chebbi]

Ond zu oos hen se als Kend emmer gsait: "wem kairsch du" wenn se wissa wella hend wia de mit Nachnama hoisch

 

[waffel]

Ond zu oos hen se als Kend emmer gsait: "wem kairsch du" wenn se wissa wella hend wia de mit Nachnama hoisch

odr, "wo kairsch au duh noh?"

 

[der_brauni]

mih ruafad se Rainer, also schwäbisch Rainr
abr Waffl isch oifachr, sagad se

Aha, dess iss dei Sbidznooma.
meiner iss Brauni.
Obbä iech mächd ned zävill neiblaudern
sunnsd hommä zäfill OT fränggisch in eiern Schwoobn-Thread.

Gruß Thomas

 

[waffel]

brauni, wenn de grad so weidr duasch, noh isch des ett vrkehrt, weil mir baissad ett, aussr, s kommd oinr domm oms egg, no kennat mir schon häbich werda.
ond a bissle OffTobbig kennat mir scho vrdrahga.
ond mir schwoba send kuuhl, also dia kuuhle zomindeschd

 

[waffel]

ond no äbbes, wo ne mieh ällaweil wägschmeisa khechd - des isch oifach so bruddaahl guad, des schbard dr gang zom bsichjadr (weil schbara muasch jo soweso)
https://www.youtube.com/user/dodokay
https://www.youtube.com/user/dodokay2

ond där film vom dodokay isch dadsächlich em kinno en esslenga komma, i hann mr schier da kiddl verrissa:

ond des ischd gau wäldglasse - hillus herzdropfa:

 

[Erg-Chebbi]

Sag ammal, da geits doch au dui Sadire "dia Weld auf schwäbisch", oder anderem mit a baar deitsche Bolitiger ond au mit am Darf Waider.

 

[waffel]

ha dschäbbi, des isch doch grad dr dodokay, den i ohba verlengad hau!!!!

 

[Erg-Chebbi]

Ach so. Des hau i et gschnallt, dass des au von dem isch. Na gugg e amal a bissle legner yudube

 

[waffel]

schdell dr au a baar bier odr 4, 5 griagla mooschd kald, weil do kommsch so schnäll ett wäg.
Laif isch der Kerle boggschdarg - i hau den scho zwoimohl en esslenga gsäa.
war hald blos schaad, dass der en esslenga donda en därra wiaschda schdaddhalle uffdrädda isch.
do, wo ieh drhoim beeh, duad mr mid denne em daahl et ohbedengt an oim disch a bier drenga...
abr jetzad ischd gnuag bruddlad iabr dia em daahl, s' lohnt ett, weil grad kohschd gar ett soffl frässa, wia ne bei dehne kotza khechd...

ond hillus herzdropfa send bei mir em flägga uffdrädda, do vrsoichsch d' hos samd schdiefl.

 

[Erg-Chebbi]

Dia han i au scho mal oimats hairt. Gut wars.
Jetzt stand i em Terminal drui am Stuggart Airport od warde. Meim Hood isch langweilig ond se woiß gar et wa mr da sollat

 

[Erg-Chebbi]

Waffl, verstand i des richdig, dass du dia dronda em Stadtzentrum ond uff am Rathaus et magsch.
I moi i hear da so an leichda Missmud raus

 

[on2wheels]

.....denn im Gegensatz zu den Schwaben können wir Franken wirklich Alles inkl. Hochdeutsch.

Ha jetztedle goads na voll los, wo semmer denn dohanne?

Heidsdag werred blos no Feignius neigschdelld, dr Nirdinger hat´s scho gsagd, des isch fei gfährlich.

Also mir Schwoba hen erschdens alles erfonde, was von Bedeidung isch, ond zwoidens zahled mir sowieso emmr elles.

Jetzdedle den ihr Frangge erschd amol eier Verhäldnis zu de Baire kläre, di au emmr moined, sie sen die Greschde,
bevor solche Sprich klobfsch.

Ciao
Alex

 

[Erg-Chebbi]

Siehsch Alex, deswega be i nach faif Jahr wieder aus dem Boirischa Wald wegzoga. I hoas nemme ausghalta. Als gäbs bloß selligs Bundesland ond älle andre send nex. Wobei, au do han e viele nette Leid troffa und viele Freind gfonda.
Trotzdem ben e richdog froh wieder drhoim zum sei. Dohanna roichad hald zwoi Wörder richdig betoond ond dr andere hat verstanda wia mr a Großbrojekt manadschd.
Was oos no fehld isch halt a richdiger Modorradhersteller. So a Reiseenduro vom Maico zom Beischbiel....

 

[waffel]

…odr a segszelendr keddasäg vom schdiehl,
odr en fluffiga wassrboxr vom greidler vom typ „Kreidler Mega Flori 4V“

 

[GSGuenter]

ond des ischd gau wäldglasse - hillus herzdropfa:

Dia hau i am Doschdig live gsäa. Wirglich wäldglasse. Do versoichs dr schier d Hoosa