coufi
Hi,Hi Gerdal,
mei Du Oame! Du, so lang ohoitende Kopfschmerzen kannt´n vo de Aung kemma, oda vom Streß (owa, des weast ja seiwa wiss´n). Konnst mit Meditation wos ofanga? Des dat wenigstens gegan Streß heifa.
Mei, des dad mi g´frein, wenn des wos werad, mit dem Energetikkurs.Freili is deia, owa des is a Chance. Mensch Mäd´l des war a Sach!!!
I hob mi a scho umg´schaud, es gab ja online so vui Kurse. Owa finanziell hoid, do miaßte hischpon draf und do san hoid no so vui andane Sachan...
Ja, mit Deine Kameras konn i net mit hoit´n. Mei liawe Frau, do muaß i Di ja mit Frau Gräfin (Frau Fotogräfin) o´ren.
I hob ma ja bloß a "einfache" (obwoi, so einfach is de go net zum Bediena, wos de ois kann...
) kaft, a Fuji Finepix A900, konnst hoid a sche in Dasch´n stecka. Wia i de kriagt hob, is da ganze Namidog draf ganga, vor lautam rumspuin mit dem Ding. Mei Mo hod scho so vui g´lacht. Hob ja net dran gedacht, dass ma de Speichakoat´n extra kafa muaß. Iads ham af de Fotomaschin bloß 4 Buidl´n draf baßt. Mei, ham mia af´d Nacht Fiaß weh do, vor lautam hin und her renna: 4 Buidl´n g´schoßn, eine, af´n PC g´spuit, wieda auße... Und wei mei Mo liawa an de Mopeds umananda schraubt und mit soachane Sachan net "belast" wean mecht, muaß i mi z. B. mim Telefon, Handy, PC und soiche Sachan ausananda setz´n. Es is hoid mehr da handwerkliche Typ und des machta guad. A soachane Sachan am und im Haus. Und es gibt koa Moped, des er no net zum Lafa brocht hod. Bin richtig stoiz af eam!!! Mia is z. B. passiert, dass domois mei Twin untam Fohn ollawei ausganga is. Bis mei "Hasi" draf kemma is, des kann nua Benzinpump´n sei. Dann hod er des Ding i woaß net wia, umgesteckt und scho is wieda g´lafa. Und wia ma dann dahoam wan, hod er glei zum Richt´n o´gfangt. Des macht der imma so. Mia hama a an Haufa Ersatzzeigs dahoam. Owa frog net, wia bei uns ois in de Garasch´n, Goatnheisl´n und wos sonst no ois a Dach hod, voi g´stopft is.
Puppal, i dad mi so g´frein, wennst den Kuas macha dadst, des woist doch scho ollawei, oda?
LG
Gabi
na Kopfweh hob i eh ned .. no ned.. oba i hob mom. den kopf so voi mit lauter schaß, daß zum speim is. vielleicht a hormonschwankungen, wos was i.
in da an minuten kennt i lochn, in da aundan rean. a typische waage hoid, von wegen ausgegelichen.. nix do. amoi himme hoch jauchzend zu tode betrübt. am liabstn tat i mi in an höhln eigrobn und nimma aussekumma. mognweh hob i a, jetzt is de frog, hob i mognweh, vom grübln, oder frühl i mi so schlecht weil i mognweh hob. ois wos wer sogt oda ned sogt wird zapflückt. i heng mir afoch vü z'vü um und kaun ned obschoitn.
"hätt i , oder hätt i ned soin, " warads besser gwesen wenn ..." wos is wenn..."
soll i oder soll i ned" .. na lauter so an schwochsinn hoid.
i hob a biachl, "warum frauen zuviel denken" .. genial.. i glaub, des werd i ma heit wieda zu gemüte führn.
am dienstag kriag i no an kontakt von an energetiker in meiner nähe, der a ausbüdungen mocht. wer ma schaun. mochn mechat i auf jeden foi wos.
von ana fotogräfin bin i weit weg...
klingt oba lustig, wos du mit der cam aufgfirt host
mei mau mocht ois: kuchl oder möbel bauen, haus renovieren, sämtliche gerätschaftln umbaun, bei autos, moped und maschinen kennt a se aus und a edv-futzi is er obendrein. a echta ollrounder.
bussal
g
